Auuuu!!

Vaia susto nos deron estes lobos da aula de 3 anos!!
Calma, calma,...estes lobiños son moi bos.

Museo no cole

Con todos os traballos que realizamos na aula sobre Joan Miró construímos unha exposición chulísima!Animádevos a visitala, non hai dúbida de que os peques do cole son GRANDES ARTISTAS!
Cóntovos un segredo? todo isto, algo ten que ver co entroido, que será, será?

Querote máis que...

...a tortilla de patacas con xamón!
Isto é o que dí a canción do gurpo O Sonoro Maxín. Descubrimos que é a que máis lle gusta ao esquelete Valentín...non sabedes quen é?? Nós coñecímolo esta semana, está na aula de música dos maiores do cole. O que máis lle encanta do mundo é facer amigos e coidar moi ben dos que xa ten. Este esquelete contaxounos co seu agarimo e invitounos a escribir unha fermosa nota cargadiña de amizade  para deixala na súa caixa vermella...para quen vai dirixida?? sorpresa!!!
Soamente vos podo contar que comezaba así: QUÉROTE MÁIS QUE...

Aquí tedes aos nenos e ás nenas da aula de 5 anos...así de ledos ficaron ao descubrir quen lles escribiu!

Velaquí vai a canción por se queredes seguir movendo o esquelete na casa!!

A caricia dun paxaro

Na aula de 5 anos querían empregar o mesmo material que Joan Miró para facer unha escultura como a súa, pero como non tiñamos bronce tivemos que arreglarnos con plastina. Quedoulles fenomenal!!

Personaxe

Así de simpáticas quedaron as "personaxes" que modelaron na aula de 4 anos inspirándose na escultura de Joan Miró.

Muller e paxaro...

Muller e paxaro

...esta foi a escultura que realizaron hoxe na aula de 3 anos, empregando plastilina. A primeira vez que a viron pensaron que era un xabarín porque tiña cornos, pero noooon, non é un xabarín é un paxariño...moito nos fai pensar Joan Miró!!
Quedoulles xenial, non si?

As cores de Miró

Para comezar a coñecer a obra de Miró fixamonos nas cores que aparecen nos seus cadros e, curiosamente, descubrimos que soamente emprega seis: vermello, azul, negro, amarelo, verde e laranxa.
Aquí tedes aos nenos e ás nenas da aula de 3 anos buscando, por parellas, esas cores nos obxectos da aula.

Miró no EDI

Esta semana na sesión TIC xogamos no EDI (encerado dixital interactivo) e creamos obras de arte ao puro estilo de Joan Miró, empregando as actividades que atoparedes na web da súa Fundación

Ahí vai algunha mostra do que compuxeron estes pequenos artistas...

Descubrimos a Joan Miró

Estamos aprendendo un montón de cousas sobre a obra de Joan Miró, para seguir descubríndoo podedes ver este video


Se queredes xogar un pouco con Miró premede na imaxe e realizade as actividades que nos ofrece a Fundación Joan Miró de Barcelona...convertirédesvos en artistas!!