Nadal 2016

Por fin chegou o día de descubrir como resolveron os Reis Magos ese problemiña de quedar sen gasolina...pois con axuda e traballo en equipo!! Ollade!



De novo, queremos agradecer ás familias a súa colaboración, conseguistes que a obra de teatro se vestira de cor!!
Se queredes ver maís imaxes do festival premede aquí

Cumples 1º trimestre

Cando festexamos os cumples a diversión está asegurada!!!
Ollade que ben o pasamos comendo algunha larpeirada e, por suposto, cantando...PARABÉNS!!

Traballos primeiro trimestre

Así de contentos estaban hoxe os nenos e as nenas da aula de 5 anos, non é para menos...levaron para a casa os seus traballos do primeiro trimestre

Maracas

Aproveitando os envases de iogur que comemos no comedor escolar construimos unha maraca na sesión de música, aquí están algúns dos nenos e das nenas de 4 anos tocando.

Era unha castaña...

Aquí tedes aos nenos e ás nenas da aula de 3 anos bailando a canción da castaña...vaia ritmo! E agora é o turno das nenas e dos nenos das aulas de 4 e 5 anos tocando percusión...bravo!!

Instrumentos de percusión

Estes días, nas sesións de música, coñececimos un montón de instrumentos e xa diferenciamos os de corda, vento e perscusión. Sabiades que estes últimos poden estar feitos de diferentes materiais? Pois si, e nós xa diferenciamos os de madeira e os de metal, sabemos se sonan rápido ou lento, suave ou forte e longo ou curto...

Aquí tedes ás nenas e aos nenos da aula de 5 anos listos para comezar a tocar...

Xogar a pensar

Na aula de 3 e 4 anos temos unha sesión semanal para "Xogar a pensar", facémolo a través das historias da "Mariquita Juanita" e os seus amigos, quenes nos axudan a pensar e observar, percibir, imaxinar, dialogar, desenvolver valores, razonar,...a través da música, da pintura, de diferentes contos e de xogos.

Polo momento, xa coñecimos a Juanita e as súas cores e xogamos, debuxamos e observámolos en distintas obras de arte: negro e vermello.
Que bonita é esta xoaniña, verdade? Nós tamén nos miramos ao espello e dixemos algo que nos gusta, pero... que difícil nos resultou...seguiremos practicando. E a tí, que che gusta cando te ves no espello?

Magosto 2016

O pasado venres festexamos no cole o tradicional magosto...mmmhh! que ricas castañas asadas!

Tamén celebramos o V campionato de peón, no que participou o alumnado da aula de 5 anos...fano case, case tan ben coma os maiores do cole, PARABÉNS! Un segredo: tamén lle axudaron moito a unha profe que está aprendendo a lanzar o trompo...graciñas polos vosos ánimos!

Preme aquí para ver algunha imaxe da xornada.

Outono

Entre todo o alumnado de infantil creamos esta paisaxe outonal, pero...a esta árbore aínda lle queda unha folla verde, podes vela?

Eu ben vin estar o moucho...

...na aula de tres anos!

Samaín

Non ides crer o que aconteceu esta semana...escribiunos unha carta a bruxa Marcelina, pero tranquilos é unha bruxa boa.
Seica veu de visita ao cole e perdeu o seu sombreiro, por suposto, nós axudámoslle a atopalo. Na súa carta contounos que ía festexar o Samaín, que gran idea, non si? Os nenos e as nenas de Infantil tamén quixemos divertirnos un ratiño así que decoramos o corredor, disfrazámonos para dar algún que outro susto, contamos contos, fixemos trucos de maxia, cantamos e a bailaaar! Mirade, mirade...

Por certo, graciñas a todas as familias pola vosa colaboración e noraboa polo traballo coas cabazas,...xeniais!!

Circuito

Así de ben o pasamos nas sesións de psicomotricidade, nesta ocasión tivemos que seguir un circuito: saltando, mantendo equilibrio, gateando, rodando, arrastrandonos,...

Arcimboldo

Sabiades que se poden facer caras con froitas? Si, si, isto é o que fixo o pintor Arcimboldo, e claro...nós tamén quixemos probar e elaboramos estes retratos outonais. Os nenos e as nenas das aulas de catro e cinco anos sacaron eles mesmos as fotografías!!!
Animádevos a seguir creando na casa

Comezamos!!

Unha das cousas que máis nos gusta é debuxar e imaxinar, así que como xa chegou o outono transformamos unhas follas en distintas personaxes empregando o encerado dixital interactivo. Mirade que chulas nos quedaron

O neno de outono (3 anos)

Un divertido león (4 anos)

Unha fermosa bolboreta (5 anos)

O cempés (5 anos)